近期愛上了凱撒沙律。

同時也慶幸，在新城市廣場找到了兩間餐廳 - Shakey's pizza , TUTTO by Habitu -- 均有以凱撒沙律為主的輕怡午餐。此外，在校園也有類似的 salad bowl.

S - 龍蝦湯 + 凱撒沙律 + 餐飲 = $38
湯是細碗的，但好多蜆。雖然蜆肉大部分是雪藏的，但尚算足料。至於味道就一流﹗
沙律的菜爽口但不太新鮮，沙律醬的酸度一般，配上芝士和雞肉，口感不錯。

T - 蟹肉忌廉湯 + 凱撒沙律 + 餐飲 = $42
湯較大碗，但蟹肉好少。咁岩碗湯裡面有好多青豆，係小妹最怕食的... 唔計青豆，個湯都係唔夠濃。好一般。
沙律的菜是清甜的，沙律醬比 S 的酸一點點，對小妹來說是夠味。雞肉和 S 差不多，但芝士味明顯比 S 濃一點，好食﹗

中大 coffee shop - salad bowl = $26
始終是校園餐廳，所以會以抵食夾大件為主。菜是爽口，至於新鮮與否便要睇你好唔好彩。不過佢冇麵包粒，而是烘兩塊麵包.. 然後切件並與沙律拌勻。coffee shop 內有不同的醬料，任你添... 對我來說真的很吸引。

喜愛 S 的湯，T 的沙律，中大的份量，好難取捨。不過，真的愛上了凱撒沙律... 今天午餐又到了 S 吃個沙律，感覺仍是清新。湯 + 沙律，份量剛剛好﹗